Wednesday, April 29, 2015

...മാന്ത്രിക മുട്ടയുടെ കഥ...


" എത്ര പഠിച്ചിട്ടും ഒന്നും തലയിൽ നിൽക്കുന്നില്ല... ഉസ്താദ്‌ എന്തെങ്കിലും ഒന്ന് ചെയ്യണം, ഇനി പരീക്ഷയ്ക്ക് മൂന്നു ദിവസം കൂടെയേ ഉള്ളു... " , ഇത്രയും പറഞ്ഞു ജബ്ബാർ ടെൻഷനിൽ അങ്ങോട്ടും ഇങ്ങോട്ടും നടന്നു.
"ഇതിനൊക്കെ ദക്ഷിണ വേണ്ടി വരും , അറിയാലോ"... എന്ന ഉസ്താദിന്റെ  മറു ചോദ്യത്തിനു  മറുപടിയായി തലയാട്ടിയ ജബ്ബാറിന്റെ കയ്യിൽ ആ മാന്ത്രിക സമ്മാനം ഉസ്താദ് നൽകി.... ഓര്മ ശക്തി നിൽക്കാനുള്ള അഞ്ചു മാന്ത്രിക മുട്ടകൾ !
അടുത്ത അഞ്ചു ദിവസം രാവിലെ എഴുന്നേറ്റു , ഓരോ ദിവസവും ഓരോ മുട്ട പൊട്ടിച്ചു തലയിൽ തേച്ചു കുളിച്ചു പഠിക്കാനിരുന്നാൽ മരണം വരെ അതൊന്നും മറന്നു പോകാത്ത , മാന്ത്രിക മുട്ടകൾ...
മുട്ടയുമെടുത്തു ദക്ഷിണയായി അഞ്ചു രൂപ ഉസ്താദിന്റെ മുന്നിലിട്ട് ഓടിയ ജബ്ബാറിനെ നോക്കി ഉസ്താദ് അതി ദയനീയതയോടെ വിളിച്ചു പറഞ്ഞു "ഡാ ഹിമാറേ, എന്തേലും കൂടി തന്നിട്ട് പോടാ... മുട്ടയ്ക്കൊക്കെ ഇപ്പൊ എന്താ വില..."


വാൽകഷ്ണം :: പതിവ് പോലെ ജബ്ബാർ അക്കൊല്ലവും പരീക്ഷ തോറ്റു. ആദ്യത്തെ രണ്ടു ദിവസം മുട്ട മന്ത്രം പരീക്ഷിച്ചു തട്ടിപ്പ് തിരിച്ചറിഞ്ഞ ജബ്ബാർ , ബാക്കിയുള്ള മൂന്നു മുട്ട ഒമ്ലെറ്റ് അടിച്ചു കഴിച്ചു കൊടുത്ത അഞ്ചു രൂപ മുതലാക്കി. ഇപ്പോൾ വലിയ ബിസിനസ്‌ കാരനായി , ഉസ്താദിന്റെ മകളെയും കെട്ടി സുഖം ആയി കഴിയുന്നു.


3 comments:

കല്ലോലിനി said...

അതു കലക്കി.. ഉസ്താദിന്‍റെ മകളെത്തന്നെ കെട്ടിയല്ലേ....

shajitha said...

kunju kunju chirippikkunna nurungukal,

സുധി അറയ്ക്കൽ said...

ഹാ ഹാ ഹാ.
shaheem.