... 'ടോപ്പ് പെർഫോർമെർസ് ' ... ( ഒരു കുടുംബം കലക്കി കഥ )

രാത്രി ഒൻപതു മണിയായതോടെ , തലയും ചൊറിഞ്ഞു , മനസ്സില്ലാ മനസ്സോടെ ലാപ്ടോപ്പും അടച്ചു പൂട്ടി , ഓഫീസിലെ അഞ്ചാമത്തെ ഫ്ലോറിലെ,   ടോപ്പ് പെർഫോർമർ പയ്യെ പയ്യെ നടന്നു , ഓഫീസ് ലിഫ്റ്റിലേക്ക് കയറി ....


ആ ലിഫ്റ്റിലുണ്ടായിരുന്ന , എട്ടാമത്തെ ഫ്ലോറിലെ ടോപ്പ് പെർഫോർമർ, പതിവായി ഈ സമയത്തു കാണാറുള്ള അവനോടു , അന്ന് ആദ്യമായി ഒന്ന് മിണ്ടി ,


" കഴിഞ്ഞ ആഴ്ച വൈഫ് നാട്ടിൽ ആയിരുന്നല്ലേ  ? ഇപ്പോൾ തിരിച്ചെത്തി, അല്ലെ  ? "


" അതേ " , എന്ന് മറുപടി പറഞ്ഞ ശേഷം ; പെട്ടെന്നവൻ അത്ഭുതത്തോടെ ചോദിച്ചു . " ഇതൊക്കെ നിങ്ങൾക്കെങ്ങനെ അറിയാം " !!!!


എട്ടാമത്തെ ഫ്ലോറിലെ ടോപ്പ് പെർഫോർമർ പുഞ്ചിരിച്ചു കൊണ്ട് പറഞ്ഞു ..
"ഞാനും നിന്നെ പോലെ ഒരു ടോപ്പ് പെർഫോർമർ ആണെടോ ! ... കഴിഞ്ഞ ആഴ്ച എല്ലാ ദിവസവും ,  നിങ്ങൾ അഞ്ചു മണിയാവുമ്പോഴേ ചിരിച്ചു പാട്ടും പാടി , ഓഫീസിൽ നിന്നും സ്പീഡിൽ  ഇറങ്ങി പോകുന്നത് ഞാൻ കണ്ടിരുന്നു "... !!


ഇത് കേട്ട്, അവരുടെ അടുത്ത് നിന്ന , ആറാമത്തെ നിലയിലെ ടോപ്പ് പെർഫോർമർ , ദീർഘ ശ്വാസം വിടുകയും , ഇതൊന്നും കേൾക്കാത്തത് പോലെ, വളരെ സീരിയസ് ആയി, ഒരു മാന്യനെ പോലെ നിന്നു.


[ വായനക്കാരോട് രണ്ട് അപേക്ഷകൾ ::
  1. ദയവായി ഈ ക്രിട്ടിക്കൽ അറിവ്, നിങ്ങൾക്ക് പരിചയമുള്ള ഓരോ ഹൈ പെർഫോർമറിന്റെയും ഭാര്യമാരിൽ എത്തിച്ചു , അവരുടെ ജീവിതം , കൂടുതൽ മനോഹരവും സന്തോഷവും ആക്കി മാറ്റുക .

  2. തല ചൊറിയാതെ, ഓഫീസിൽ നിന്നും രാത്രി വീട്ടിൽ ചിരിച്ചെത്തുന്ന , ഓർഗാനിക് ഹൈ പെർഫോർമറിന്റെ ഭാര്യമാർ , ഈ പോസ്റ്റ് വായിച്ചയുടനെ , അങ്ങട്ട് മറന്നേക്കുക. ]

< ... The End ... >